有follow開JupCV嘅搵工仔應該知道， JupCV嘅正職係做獵頭，我哋過往10年喺全球四大上市獵頭公司工作嘅時候，每日都會見唔同嘅求職者，亦有一套評分嘅機制，高分嘅求職者就更加容易配對到好嘅公司。
作為求職者，當然希望自己嘅評分越來越高，咁樣喺獵頭嘅心目中無論係幫你嗌人工又好或者服務你又好都會比一般評分嘅求職者更加用心。
喺我哋呢一套評分機制上面最好嘅評分就係A111 ，呢一個評分係講緊嗰個求職者喺各方面都喺一眾求職者嘅頂端，三個1分別代表：1. Presentation(外觀、表達能力、語言） 2. 工作能力 3. 個性，今日就同大家分享吓點樣可以成為獵頭心目中嘅A111，喺心態上面呢一類型嘅求職者同其他人有咩唔同呢？希望各位搵工仔睇完都有所啟發，好多時候搵工除咗係講緊自己工作能力，亦都好睇你嘅心態。
心態一：有自信心
呢一類型嘅求職者通常由細到大都對自己要求高，所以無論喺學業成績、課外活動、以致工作經驗，都會相對上有比較好嘅表現，而佢哋喺面試嘅時候亦都表現到自信心，有能力做到僱主要求，甚至係超出僱主嘅期望。如果可以令到雇主對你有信心，就會比其他人更有勝算。
心態二：平常心
平常心可以話係JupCV最常掛喺口邊嘅三個字，平常心係代表無論個結果係咩都好，求職者都明白，亦唔會因此情緒有太大嘅起伏。
要做到平常心，需要有好強大嘅心理狀態，亦都代表你有預先做足評估同分析。心理狀態好，搵工亦會事半功倍，好多時候求職者特別鍾意嘅工作，唔知點解最後都唔會揀到自己，如果做唔到平常心嘅話，面試成功率會因心態不好而會降低，相反保持平常心，無論自己收唔收到Offer都好，都保持正面嘅心態，反而令到成功嘅命中率會大大提高。
心態三：思利及人 | 工作時顧及別人
通常做到A111嘅求職者，佢哋都有出色嘅溝通技巧，亦都可以令身邊每一個人都對佢哋讚不絕口，可以做到呢一個境界，除咗工作能力之外，佢哋對人嘅能力亦都非常之出眾。
咩係對人嘅能力呢？就係喺自己工作嘅時候亦都顧及別人嘅感受同埋點樣令到各單位都成功完成任務，一個可以顧及其他人感受嘅求職者，除咗可以成為一個好嘅員工之外，更加會有領導人嘅潛力，雇主可以請到一個咁好EQ嘅員工，即便要比市場價更高嘅Package，佢哋都會好樂意。
心態四: 未雨綢繆 | 凡事做好準備 | 危機管理
JupCV以往遇到嘅A111求職者都有一個共通點: 凡事都會做好準備。
即使佢哋可能會比其他人用多幾倍嘅時間，但係佢哋會將所有嘅可能性都評估一次，而且會不斷加入新嘅評估因素，務求令到錯誤或風險降到最低。
JupCV做正職獵頭嘅時候，發現大部分求職者都冇呢一個心態，但係搵JupCV執靚CV嘅客戶，就大部份都係呢一類型嘅人，佢哋無論係咩Level - C-suite,、中管、fresh grad、甚至係未讀完書嘅都好，都有做好準備嘅想法同實際行動。
其實而家好多公司都越來越重視危機管理，如果可以請到有做好準備嘅員工，為公司無時無刻進行危機管理，發生危機嘅時候更快諗到應變嘅方法，又或者因為已經衡量各種方法，已避免出現危機，所以做到呢一點嘅求職者，一定能夠平步青雲，得到心儀嘅工作Offer得尼，雇主亦會想辦法留住咁好嘅員工。
今日同大家分享左四個作為A111求職者嘅常見心態，希望可以比follow我哋嘅搵工仔一啲啟發，如果想更容易去搵到適合嘅工作同埋為自己長遠嘅職涯去鋪排，心態其實比一切都重要，心態好嘅話自然會努力去提升自己嘅工作能力亦會為搵工做好準備，咁樣嘅搵工仔又點會搵唔到心儀嘅Offer呢？
睇到呢度如果你有任何問題或心得想同大家分享，歡迎留言俾我哋呀！
-------------------------------------
立刻搵JupCV做個免費CV評估:
有野想問隨時PM或留言俾JupCV!
Like & Follow我哋獲得更好多免費搵工資訊啦!
-------------------------------------
想安坐家中搵全球好工?
上煲Job www.BouJob.com 全球搵工招聘網搵工啦!
想好工自動搵上門?
上傳CV到搵Cdd www.FindCdd.com 坐等面試機會啦!
想請好員工? 由寫一份好JD開始
上WriteJD www.writejd.com 做個免費JD評估啦!
Commentaires