有搵工仔搵JupCV做職業諮詢，提到工作差不多二十年，轉過兩三次工，亦有升過職，但近呢五年覺得自己好似越做越頹咁，因為公司好穩定同埋人多，升職有排都輪唔到佢，但又覺得自己再等就不進則退。另一方面，又覺得自己做野嘅野好厭悶。
「仲有廿幾三十年先退休，唔通尼緊每日都要唔開心咁過？」
「有headhunt揾過我，但收到CV之後話我做緊份筍工又叫我唔好轉。」
「其實我唔介意OT，甚至減人工，我淨係想搵番我對工作嘅熱情。」
其實好多打工仔都會遇到事業「樽頸位」呢個問題，今日就同大家分享一下，當我地事業遇上「樽頸位」應該如何面對？
首先，JupCV要好認真講一句:
「IT’S OK! RELAX!」
1. 放鬆心情
當你意識到自己原來已經遇上事業「樽頸位」時，應該都已經為了工作唔開心左一段時間。所以首先，放鬆心情！繼續睇落去之前，搵個舒服嘅地方坐低，倒杯水飲，Take your time! 要成功過渡事業「樽頸位」，直到你搵番工作嘅熱情，你都必需要將心情放鬆(每日)，因為接下來，又係我地最鍾意叫搵工仔做嘅野，就係要「諗野」喇！
2. 回想過去嘅學業跟工作經驗
之前我地要提到我地幫搵工仔執CV會執幾個版本，其中一個係俾自己睇，係呢個時侯就派上用場喇！仔細地回想你以往嘅工作，
最有滿足感係幾時同你做左咩？
遇過最大嘅挑戰係幾時同係咩？
升職係咩原因？轉工係咩原因？
等等。好多時侯我地遇到事業「樽頸位」係我地長期待在我地嘅舒適區(Comfort Zone)，先會慢慢形成「樽頸位」。
3. 了解現況
接下來就要問自己，究竟呢個情況出現左幾耐？
一年以內： 恭喜！咁快就發現到呢個問題，呢一年就當俾自己停下來養精蓄銳的一年，趕快收拾精神，執定CV尋找新挑戰啦！
三年～五年： 職場亦是一個不進則退的，如果已經「樽頸位」一段時間，要諗諗尼緊你可以分配到俾工作嘅時間，如果有足夠時間，建議你要積極搵工！
五年以上： 超過五年以上係「樽頸位」，再唔轉可能現實都會逼住你轉，因為已經到「樽頸位」太耐，你可能需要「加碼」 - 進修 ＋ 轉工。但另一方面你已經係一個好STABLE嘅搵工仔，對公司尼講係一件好事。
4. Take Action
Step out of your comfort zone! 審視現況後，盡快理清自己想做D咩，做緊嘅行業就業情況如何，搵番你嘅幹勁，對工作嘅熱誠同滿足感。
搵工、見工、番新工！！！
執CV除左幫你執好CV之外，我地更加重視你職涯嘅長遠發展，一份好嘅工，會提昇你各方面，成就你嘅理想。如果事業上遇到問題想搵專家俾D意見，隨時聯絡JupCV。
最後，祝所有搵工仔早日搵到DREAM JOB～升職加薪！
Comentários