UA戲院本月宣布即日起全院線結業引來全城熱話，有市民婉惜惜日大排長龍的電影院品牌終敵不過疫情而結業，亦有知名人士評論電影院生意是「六星級垃圾生意」。JupCV亦想籍此話題，同搵工仔討論下JupCV的想法。
UA戲院結業 – 獨立電影院生意=六星級垃圾生意? 逐個POINT睇:
(1) Bargaining Power of Buyers 買家的議價能力
大家回想疫情前，香港各大戲院一票難求，一張電影飛由40蚊升到200蚊都全院滿座，事實上觀眾並沒有議價能力，只能說如果有好戲上，呢筆錢亦不是甚麼大數目，係中環食一個午餐都不夠吧!
(2) Bargaining Power of Suppliers供應商的議價能力
另外，點解戲院通常都開係商場入面，點解地產商會投資做戲院，原因是戲院帶動人流、帶動整個商場的消費，出去睇戲未開場前食個飯、行下街，發展商同其他商戶都有利益，所以戲院既租金，就好似書店既租金一樣，會比其他商戶低。而好多香港既電影院都是香港的老品牌，同地產商既關係亦好密切，即使地產商有議價能力，但亦不會盲目加租。
(3) Barriers to Entry 入行門檻
最近電影院重開，JupCV就趁機偷得浮生半日閒去左睇華仔套<<拆彈專家2>>，亦都好開心可以係戲院睇呢套戲，點解? 一套電影並不是只有畫面咁簡單，仲有聲音，甚至近呢幾年發展到電影「色香味俱全」，香港既戲院LUXURY化，提供的是最好的音響器材、座椅、更有專人服侍(一個制 – 爆谷、汽水就立即送到)，試問能提供以上技術的公司，會有很多間嗎? 「純粹播放電影」這句說話，就是平時打工仔聽到既「你賣件衫咋嗎」、「你係架飛機上面你捧餐咋嗎」、「你個JOB都係見人咋嗎」等等 – 無知又難聽，一句說話便抺殺了行家的專業。
睇到呢度，可能你會諗: 喂，咁UA戲院又會執既?係執左WOR!
其實一間公司開業同結業，並不單單是因為行業問題，新聞報道UA戲院結業時，JupCV看到的是UA對員工的承諾，員工對UA的諒解，相信UA戲院的結業是經過心思熟慮，顧及各方感受。好多搵工仔會身同感受，好多公司係疫情下只看業績而炒人，甚至話炒你都仲要你繼續番工跑生意到你走嗰日也是平常事，結業時連員工都顧及埋既公司，又怎會是「垃圾」呢?
「夕陽行業」的反思
JupCV借住呢個評論，同搵工仔討論下關於「夕陽行業」既問題，其中一個搵工仔成日會用既離職原因Reason for Leaving – 就係「呢一行開始式微/無得做/夕陽行業」，當然有其道理，做生意搵最有市場既行業去做最有機遇，但我地不要忽略了，每一個行業係社會上都有佢既存在價值。「天時、地利、人和」如果不能避免失去一樣既時侯，守住另外個兩樣，三樣都失晒，先至算吧!電影院行業只是 等待時機再出發。你會相信疫情過後無人對去電影院有興趣嗎?
搵工仔搵工時，亦要考慮行業呢個因素，有時侯我地覺得係夕陽既行業，某一日又會彈起了，就好似前幾年我地話物流係香港無得做，疫情期間物流業賺大錢大家又知道嗎?
就好似我地聽地產最穩陣，疫情期間市區大量吉鋪大家又看見嗎?
JupCV作為人力資源行業既尖子，加上十年幾年經驗，早就看透無最好或最差的行業、公司、侯選人，最緊要係Good Match，天時地利人和也是缺一不可, 而作為一個說話具影響力的人，最重要的不是評論好壞，而是保持開放態度面對人和事，對值得支持的專業盡能力支持!
Σχόλια