很多求職者喺搵工嘅時候都會遇到不同嘅困難同考驗，有時都幾影響心情，所以今日想同大家分享一下求職者應有嘅四大心態。
搵工四大心態 1. 保持正面樂觀嘅態度
求職者可能係做緊野或者係失業中，其實無論你係做緊野定失業，大家面對嘅壓力都一樣係咁大。好多人都問我地JupCV，而家搵工咁難點算？我地明白，但亦都想你知道 - 好多事情都總會過去，就業率亦都會隨着疫情嘅過去而提高，所以大家要盡量去保持正面樂觀嘅心情，先可以積極去搵工，做人最緊要有希望！
JupCV建議求職者喺搵工呢一段時間多啲同朋友家人傾計或者係做多啲運動、因為咁樣係真係可以令到自己諗少啲唔開心嘅野。
其實搵工並唔係一件難事，只係我地未必成日需要搵工，所以會迷惘，唔知點樣去改進Interview技巧，點樣執CV，增加成功拿到JOB OFFER既機會。呢個亦都係我地成立JupCV既原因，希望可以幫到求職者了解到自己嘅長處同埋點樣去搵到一份自己心儀嘅工作。
搵工四大心態 2. 保持積極搵工嘅態度
很多求職者本身可能喺公司已經做咗好多年，冇乜搵工嘅經驗 - 所以當開始搵工嘅時候，好多時候都會撞板，譬如係Interview嘅時候失左手或者係上次Send CV嘅時候強調到自己嘅工作經驗令到好多時連Interview嘅機會都冇。
好多人都會覺得好失望甚至係絕望 - 「點解試咗咁多次都未必有結果？好想放棄！」
其實保持積極搵工嘅態度非常重要的，每一次執CV或者係Interview其實都係一個得着，如果我哋可以保持積極搵工嘅態度，每一次完左Interview之後都係諗下點樣改進自己嘅話，一定會遇到適合自己嘅工作同埋攞到Job Offer。
搵工四大心態 3. 平常心 *重要*
搵工到收到Job offer真的需要天時地理人和，背後有非常多因素影響。
當我哋遇到自己好鍾意嘅公司或者工作嘅時候，Interview完之後我哋會好想即刻知道答案，有一啲求職者更加會不停咁去問公司結果，其實咁樣係會有*反效果*，除左會令你傾人工個陣少左優勢，仲可能會嚇怕想請你既公司。
平常心、耐心 可能係搵工最最最需要的心態，我地做完Interview心態要保持係「盡左力就得喇」俾D耐性去等結果吧！
搵工四大心態 3. 同理心 *重要*
而家呢個時勢，無論係作為求職者定係請人嘅公司，大家都係面對緊好大嘅壓力同埋挑戰。搵工嘅人當然係希望個Offer越高越好，但係喺公司嘅角度可能請人嘅Budget亦比以前少咗好多倍，就算預到好喜歡既候選人都出唔到岩既Offer。
求職者同公司去溝通嘅時候或者去Interview嘅時候，都要用心去了解佢哋嘅情況同埋需要，然後再去作決定。有時候Offer未必係比以前嗰份工更好，但係如果你哋覺得呢一份工係比到你更好嘅前途或者係安定嘅事業嘅話，就算人工未必係最好或者係你心目中最理想嘅數字都可以去考慮一下。
後話：
其實搵工並唔係一件難嘅事，好多時候因為我哋少搵工所以唔知道點樣先可以增加自己interview或者係get到job Offer。除咗靠自己之外亦都可以尋求專業嘅協助，有任何關於求職既問題，隨時可以搵我地傾吓睇吓點樣可以幫到手！
Comments