從冬奧看專業、看成功
最近冬奧運動員成為網上熱搜，見到一眾世界頂尖運動員努力嘅成果、個種追求極致嘅努力，正正體現到佢地嘅「專業」同「成功」。
咩叫做「專業」?
曾經睇過朗朗嘅一篇訪問，佢講到「專業」就係每一日專注去做同樣嘅事，做到個日無論你係咩狀態，開心又好，唔開心又好，唔舒服又好，做番同樣嘅事，都唔會有咩失準或失誤，可以保持到水準，就係「專業」。
冬奧運動員台上嘅一分鐘，背後係每日集訓，同一個動作練過無數次，跌親又起番身，能夠做到世界級嘅專業，有無獎都好，都值得尊重。 咩叫做「成功」?
而「成功」，卻係每個人都有不同定義，有人認為運動員追求嘅係獲獎，亦有人認為運動員追求嘅係難度，其實都可以理解成對目標嘅追求及達成。
能夠「成功」，固然高興，但背後更值得高興嘅係搵到目標、追求目標嘅熱誠，做自己鍾意嘅野，自己覺得滿意，其實已經係「成功」了!
職涯都是一樣，每個人追求嘅都唔同，最緊要係搵到自己嘅目標，祝你成功!
Comments