好激動呀！JupCV今日閉關式做完諮詢，出到尼見到新聞LINKEDIN領英會將中國業務同全球業務分開同停左社交(Social Media)功能，對於我哋一班#globalvision 嘅獵頭來講表示極度震驚！容許我哋今日用正職獵頭嘅角度同大家分享下。
JupCV做獵頭呢一行咁多年，每一日都開住個LinkedIn，莫講話番工，放工都仲會覆信息，LinkedIn做得最出色嘅係可以做到全球性，例如話：
我喺香港，都可以搵到喺上海嘅美國人而獵佢去新加坡間法國投行。
而且話明我哋係「獵」頭，經常性候選人根本就唔搵工，我哋要用盡方法搵佢出尼說服佢去試，以前獵頭咁渴市，在於好難去搵人，但有左LinkedIn，雖然未去到全球人都使用，但起碼要搵外國候選人都容易好多。
講番香港，其實近幾年中資公司在港發展，又或者香港公司進入內地市場，兩岸嘅交流多左，好多時候我哋都係用LinkedIn搵內地人來港工作，或幫國內公司請香港人，因為香港同內地用嘅求職平台都唔一樣，而且確實有用LinkedIn嘅國內求職者，佢地嘅語言水平同工作經驗都相對切合香港上市公司、國際公司請人嘅要求，可以話係相贏局面Win Win Situation。
雖然LinkedIn都有佢唔好嘅地方，例如唔做Premium就好多功能都限制，或者係成日俾人笑話LinkedIn啲文章成日都都寫到極度跨張正面，但事實上，兩年前香港政治不穩定嘅時候，LinkedIn係唯一仲好理性、和平嘅社交平台！
JupCV相信嚟緊香港嘅獵頭同求職者又會在請人、搵工上面對新嘅挑戰，求職者 – 特別係有興趣去內地發展，或者在港嘅內地專業人士，要開始留意同發掘有咩新嘅平台可以搵工，JupCV亦會繼續同大家分享全球搵工市場嘅情況同方法。
Comentarios