今日JupCV想同大家分享吓七個有用嘅面試技巧小帖士，希望幫大家收到心儀嘅offer!
面試技巧小貼士(一)
盡量早5分鐘到達場地，或者set好video meeting，避免因為突發事件而遲到，影響雇主對你嘅第一印象，或者自己嘅心理質素。
面試技巧小貼士(二)
儀容、談吐舉止都要有自信同埋大方得體，雇主係決定聘用你之前其實只會見過你幾次面，如果俾人感覺你有信心做到佢哋嘅要求，收到Offer嘅機會亦都會增加。
面試技巧小貼士(三)
Self introduction要簡單清晰，盡量喺兩至3分鐘內講完，即使你係去到高級經理或以上嘅職位，都應該衡量一下介紹自己嘅長處而唔係逐個工作解釋。
面試技巧小貼士(四)
面試嘅時候盡量諗一啲自己工作嘅例子分享比僱主，雇主會更加了解你面對過嘅挑戰，如果同佢哋公司相似嘅話，而你有成功解決到問題嘅話，收到Offer嘅機會就會更高。
面試技巧小貼士(五)
面試之後嘅問題其實好緊要，人揀工工揀人，你要好清晰自己想了解啲咩，趁面試呢個好好嘅機會發問，聽吓雇主對於呢個職位嘅期望，會更容易了解自己適唔適合。
面試技巧小貼士(六)
面試完需唔需要寫email多謝雇主呢？如果雇主有主動提供卡片，而你又覺得嗰份工好適合自己好有興趣，我哋會建議你可以寫一個簡短嘅email多謝雇主嘅時間。但係如果佢本身冇留聯絡資料俾你，又或者其實你自己對嗰份工興趣不大，我哋就唔建議寫啦。
面試技巧小貼士(七)
最後提提各位求職者，要順利搵到好工，其實最緊要保持平常心，心態係非常重要㗎 ！面試之後花少少時間同自己做個debriefing寫低你對呢一個面試嘅感覺，之後自己睇返都可以作為一個參考去決定係咪適合自己嘅工。
如果你想搵JupCV團隊幫你喺搵工嘅過程提供專業分析，可以搵我哋做個免費評估，聽下JupCV點樣可以幫你順利搵到好工。
Follow JupCV:
IG: @Jupcvhk
FB: @Jupcv
LinkedIn: JupCV-執CV Website: https://www.jupcv.com
Comments