JupCV同搵工仔一樣，都好鍾意放假同埋過節日，嚟緊就係萬聖節， JupCV決定應吓節，嚟緊呢幾個post都會係以萬聖節做主題，講吓啲搵工嘅驚嚇事！
其實搵工點解會咁令人懷疑人生？JupCV覺得係因為需要等，有時等極都冇消息，真係會令人懷疑自己嘅工作能力，特別係apply咗job之後嗰幾日，成日都會留意住電話有冇響，唔覺意Miss咗一個電話（而自己都知好可能係廣告電話），都仍然係會覺得好擔心！
而唔知大家有冇試過因為好想入一份工，而主動打電話俾嗰間公司問佢有冇得面試，其實呢個都係一個方法，不過好多時候個答案會令人更加懷疑人生：
「哦，你send咗CV過嚟未啊？」
「Send咗㗎啦，上星期send咗一次，啱啱又再send多咗一次，唔知你收唔收到呢？」
「你send咗就得㗎啦，如果啱嘅話會搵你㗎啦，唔該拜拜。」
當然，好多時候都係收唔到電話…
JupCV幫客戶做諮詢嘅時候，會同客戶分析佢哋想見嘅工究竟有冇機會面試，甚至可以精準話到比佢聽，如果有面試嘅話佢收到Offer嘅機會有幾多，點解我哋計算到？唔通我哋又識得晒嗰啲公司咩？
JupCV團隊來自全球四大獵頭公司，我哋有超過10年嘅人力資源經驗，喺搵工方面經驗豐富，而好多時候，我哋只係需要睇到嗰份工嘅JD，已經知道其實佢哋想搵啲咩人，而且我哋會花好多時間了解各行各業嘅就業情況，分析比客戶聽佢嘅市場定位，令到求職者更加了解求職市場。
如果你都係搵緊工同等緊面試電話，又想搵專業人士傾吓，可以搵JupCV做個免費評估，聽下我哋點樣可以幫你搵到好工！
Follow JupCV:
IG: @Jupcvhk
FB: @Jupcv
LinkedIn: JupCV-執CV Website: https://www.jupcv.com
Commenti