相信好多打工仔都正在搵緊工，市場好既時候，公司一般都會用獵頭公司去請人 - 專業既獵頭公司，都會喺PRESENT你之前幫你執靚個CV，提高你既面試機會。
但係撞正市場動盪既2020今年，好多公司都由請獵頭公司搵人，改為自己做招聘，變相搵緊工既你如果想得到心儀既OFFER，就需要花多啲心機喺執CV呢個STEP喇。
其實自己執CV並唔難，反而有一樣好既係「你自己做過D咩，你自己最清楚 ！」以下提供幾個執CV既技巧比大家，希望幫到你地執靚份CV，成功得到DREAM JOB既面試機會。
執CV技巧 1 – 簡潔、到題
第一個技巧睇落好似好易，但係要做到簡潔、到題係好需要你自己好清楚自己既長處，你過往既經驗，我會建議執筆前花半小時喺心入面理順下自己過往既工佢經驗同埋目標再開始執CV。
執CV技巧 2 – 由淺入深
執CV應該由淺入深，好簡單的寫左你做過邊間公司(Career History)、時間(Employment Period)、學歷(Education Background)，然後先再寫你既優點(Achievements)、遇過既考驗(Challenges)。如果你做既工作係PROJECT BASE，可以寫埋PROJECTS既細節同你既分工落執CV。
執CV技巧3 – 專業技能 (Technical Skills) vs. 軟技能 (Soft Skills)
專業技能 (Technical Skills) – 可以係你考過既牌e.g. CPA, CFA etc. 但唔需要咩都寫晒上CV，寫同你工作經驗有關的即可，試過收過一個CV，就係TECHNICAL SKILLS都寫左兩板紙，完全睇唔到重點，要重新再幫客人執過寫個CV。
軟技能 (Soft Skills) – 指溝通能力、傾聽能力、說服能力、自我激勵的能力、影響力、團隊建設的能力等等。如果你係經理以上的求職者，軟技能絕對可以係你CV既HIGHLIGHT！e.g. 帶過幾多人？佢地喺你帶領下有咩進步？你對上司同下屬既技巧等等。
執CV技巧 4 – 唔好錯GRAMMER
執完個CV最好搵人睇下，幫你DOUBLE CHECK有無GRAMMAR MISTAKES，同埋小心唔好發錯左自己TRACK CHANGES個CV去搵工 (真係有收過) (暈…)
執CV技巧 5 - 最後一步都係CHECK
未完架，繼續CHECK！有無寫好聯絡資料(Contact Details) – 手提電話、EMAIL。同埋你既NOTICE PERIOD，PACKAGE DETAILS。
睇落好似係好BASIC既野，但係睇左咁多年CV都仲好多人打漏、打錯。有人打尼問我點解搵工搵極都無反應，有時就係因為你執CV既基本功都未熟練或太耐冇搵工忘記了。
希望幫到你地，有問題既隨時搵我地JUPCV幫手～