財政司司長陳茂波最近發表的新一份財政預算案，提及一項失業貸款的措施協助失業人士，解決短期財政困難問題。失業人士可向銀行申請貸款，上限8萬元，年息1厘。有搵工仔問JupCV點睇，今日就同大家分享一下。
喺財政預算案發表嘅同時，政府亦發表左新一輪嘅失業率數據，3月失業率係創左7%嘅新高，我地再深入分析一下，30-59歲既失業人士增加既比例係最高。而呢一個年齡層既打工仔，做左10幾20年野，大部分都去到中產階層，面對嘅財政壓力亦相對較多，例如家庭開支、供樓、供養父母子女等等，呢一筆上限8萬元的貸款，可能連幫忙解決一至兩個月開支都未必足夠呢。
另外，JupCV(執CV)覺得「先洗未來錢」係必須要三思而後行，如果短期之內未必搵到工，呢一筆只會變成日後更大嘅負擔，搵工仔心理壓力又大左，或會影響搵工既心理狀況同表現。
自從COVID-19開始，JupCV(執CV)都留意政府對於就業情況嘅援助，往往都係援助「公司」，而唔係援助「求職者」，而公司為了節省開支，往往都會先炒中階打工仔，而呢班打工仔，正正係過往10年-20年尼交稅交得最多，政府援助最少的一群。
JupCV(執CV)想到呢度，確實有少少感到痛心同失望，但是好快就轉變左心態，既然措施推出了，有需要又有能力還款的失業人士亦可考慮。最重要的是，失業的搵工仔們一定要保持積極的心態 （可參考交章：https://www.jupcv.com/post/搵工應有的四大心態），專注於盡快找到適合自己的工作，可能搵工仔做緊嘅行業受疫情影響，可以同我地傾下有無其他既出路（可轉移技能、各行各業就業情況），或者正在考慮需不需要減人工/點樣嗌人工，可以同我地傾下期望薪金(Expected Salary)等等。有留意開JupCV(執CV)既搵工仔會知道，我地嘅團隊唔係「來自HR/Headhunt」咁簡單，我地仲係行內最TOP既打工仔，成立JupCV(執CV)原因旨在教大家點樣專業地搵工！
呢一兩年無論係老闆們、打工仔、搵工仔都奮力求生，天無絕人之路，我地香港人亦可靠自己，JupCV(執CV)祝願2021年人人有工開！
有興趣了解更多嘅搵工仔，可以WHATSAPP我地問下先呀～
Whatsapp: https://bit.ly/3uOv2i2